تقول صاحبه الرساله : متجوزه من حوالي 8 شهور بعد علاقه قصيره نوعا . جوزي – هسميه جيمي- لطيف و حنون و وسيم و رياضي . من الحاجات اللي عجبتني في شخصيته انه منفتح علي العالم و بيحب المغامره و صور البروفايل بتاعه علي انستجرام كلها في غابات او بيتسلق جبال كده . ده عكس شخصيتي و خلاني اتحمس اني اجرب معاه حاجات ما عملتهاش قبل كده . لو مش هثق في جوزي انه ياخد باله مني في مكان خطر هثق في مين يعني .
مشكلتي الوحيده مع جيمي كانت امه … هسميها فوفا . بعد ما اتجوزنا بفتره قليله عزمتنا علي العشاء و صممت نروح . كنا مخططين اننا نطلع تاني يوم رحلة . و دي كانت اول مره …. لو هتكلم عن علاقتي بفوفا فا هي ببساطه ما بتحبنيشً نصحت جيمي ما يتجوزنيش من غير اي اسباب قالت له انها مش موافقه علي الجوازه دي ! ماكانتش شافتني اصلا و تواصلت معايا قالت لي انها مش موافقه عليا !
اتجوزته بعدها و انا بفكر ان في ستات مختله ارتباطهم باولادهم مش طبيعي ! بس جيمي اكد لي انه عمره ما هيخلي كلام امه يأثر عليه . حلو . ليله العزومه بعد ما رجعت البيت كنت حاسه باعياء شديد . و جالي اسهال استمر يوم كامل و طبعا لغينا الرحلة. فوفا كانت بتدخل في حياتنا بشكل مزعج و بتطفل علينا باصرار رهيب ! لازم تعرف بنعمل ايه بنروح فين بننام امتي !
حاولت اطلب من جيمي يوقفها عند حدها بس والده و والدته كانوا بيساعدوه في استثمار هو بيتوسع فيه عشان كده كان من الصعب نوعا يحط حدود بشكل حازم ! الفكره انها لو طلعنا رحلة كانت بتفضل تلاحقنا بالمكالمات . مره لقيناها هي و حمايا جايين ورانا علي اساس انها مفاجأه و كده ! و بعدين بقي في الوليه دي ! هكون كذابه لو قلت اني لاحظت موضوع تعبي بعد زيارتها علي طول . بس التكرار اكتر من خمس ست مرات خلاني احس اني في رابط هنا .
ترددت بس قلت ل جوزي شكوكي و رد فعله انه اتعصب ! قالي امه مستحيل تعمل كده ! لما حاولت اوري له الرابط اتعصب عليا اني بتهم انه انها سايكو عايزه تأذيني و ده مختلف تماما عن كونها ام قد تكون متسلطه شويه ! تمام! اول اجازه لينا قررنا نطلع ل الحديقه الوطنيه . في الطريق جوزي امه كلمته و قالت له يعدي عليهم ضروري . عدينا عليهم كان اخوه و مراته و اولاده هناك .
جبنا بيتزا و كنا قاعدين مبسوطين عادي . اتأخرنا في القعده فا اني اقترحت علينا نروح بكره من بدري بلاش نروحها بليل لانها مش امان . اللي مش امان اكتر بالنسبه لي اننا سايبين اطباقنا في اوضه تانيه . رحت للسفره و لاحظت ملاحظه اول مره اخد بالي منها و هي ان طبقي لونه مختلف عن باقي الاطباق ! يا بنت ال #### طبقي كان فيه قطعتين بيتزا و جيمي كمان بس انواع بيتزا مختلفه .
بدلت البيزا في الاطباق و اخدت طبقي و جيمي يا حبيبي ما اخدش باله ! رجعنا البيت و اول ما دخلنا جيمي كان شبه بيمـ* وت في ايدي . قئ و اسهال ! كنت قلقانه جدا عليه و قضيت الليله جمبه و انا مش عارفه هل اخده المستشفي ؟ هقول لهم ايه طيب امه حطت لي سـ-~ـم و هو اخده بالغلط ؟ تاني يوم كان احسن كتير عملت له شوربه و عصاير . كنت متردده اني اقول له بس بعدها بيومين قلت له الحقيقه . اني بدلت اكلي باكله و ده دليل ان امه بتحاول تسـ__مـ__ـني.
فضل باصص لي بذهول للحظات قبل ما الذهول يتحول ل غضب حقيقي ! غضب عمري ما تخيلته في بني ادم قبل كده ! فجأه لقيته بيزقني بعنف و هو بيصرخ فيا اني غبيه و اني ضيعت عليه رحله الحديقه الوطنيه ! حديقه ايه اللي متضايق عليها قوي كده دي لو الميرلاند ما كنتش هتعمل كده !
الحقيقه انه لما زقني وقعت بعنف علي الكنبه و لاني كنت فعليا مرعوبه منه جريت ! خرجت من قدامه اخدت تليفوني و مفتاح العربيه و جريت حافيه بره . كلمت واحده صاحبتي استقبلتني في بيتها و قفلت الموبايل و كنت في حاله صد مة . بعدها بيومين فتحت الموبايل كان في سيل رسايل منه و من فوفا . الرسايل بتاعته كانت كلها عنف و شيتمه بحده . رسايل فوفا كانت بتسأني اذا كنت كويسه !
لما رجعت البيت كان فاضي . فوفا كانت بتكلمني بهستيريا رديت عليها كانت بتعيط و بتحمد ربنا اني بخير . و جت لي . كان شكلها تعبان و مصدوم نوعا ده غير انها مصابه في ايديها . و حكت لي اللي حصل . جيمي من و هو صغير كان نوعا مش طبيعي . حاولت توضح ده ل جوزها بس جيمي كان متلاعب من و هو طفل و قدر يقنع جوزها انها بتحب اخوه اكتر منه !
من حوالي 4 سنين و بمجرد ما خلص الجامعه اتجوز زميله ليه و بعد الجواز ب سنتين ما*# تت في حادثه عربيه . المفاجأه انه كان في بوليصه تأمين علي حياتها لصالحه . المبلغ ده عمل بيه شركه خاصه بس من حوالي سنه بدأ يطلب من ابوه فلوس لانه عايز يتوسع . ابوه دعمه بس مش بالمبالغ اللي عايزها . و هنا بقي اتعرف عليا و اتجوزني !