انا صممت انزل البوست ده هنا لان طليقي في الصفحه دي ومتابعها… ويارب يشوف البوست وانا بردو هبعتهوله كنت متجوزة لمدة 7 سنين وخلفت 3 بنات ابتدت تحصل مشا.كل كتير بسيطه بيني وبين جو.زي وكل مرة كنا بنراضي بعض جيت اخر مش.كله رحت غضبا.نه عند ماما وبابا وجو.زي جالي بابا قاله امضي وصل امانه مش كل شوية مشا.كل جو.زي رفض ومشي
بعد كده بابا وماما خدوني ورحنا عند محامي علشان نرفع قض.ية بالقايمه بتاعة المنقولات كسبتها بعد كام شهر وخت كل العفش اللي في الشقه وجو.زي جه اعتذر ليا ولبابا وماما قالتلي بعد اللي حصل ده جوزك هيمشي معاكي زي الألف وروحت مع جوزي بس لما روحت مودنيش شقتنا وداني شقه تانيه إيجار اوضه وصاله في منطقه شعبيه وشقتنا 3 اوض وصاله وفي منطقة راقيه
لما سألته منروح شقتنا قالي هننقل لشقه تانيه اكبر والش,,قه القديمه اتباعت والش,,قه دي هنقعد فيها مؤقتآ اخت جو.زي عندها 33 سنه ومحاميه عندها مكتب محاماه بعد ما رجعت قربت مني اوي وبقت صاحبتي وقالتلي اعملي تمكين علي الشقه دي وهساعدك تعمليه علشان اخويا ميتخانقش معاكي ويطر.دك زي رجاله كتير فعلا عملت تمكين مشترك علي الشقه قالتلي بعدها هنرفع علي اخويا قض.ية نفقه علشان نضمن حق العيال قولتلها ليه ده كله قالتلي ان اخوها
عارف واحده وممكن يتجو.زها فاحنا هن؟لوي دراعه علشانك انتي والعيال رفعت ق,,ضية نفقه والم,,حكمه حكمتلي ب2000 جنيه كل شهر شامل كل حاجه لل3 عيال جو.زي عنده مصنع هو واخته واخوه بس مفيش حاجه بأسمه فالنفقه جت علي اساس كده والتحريات مثبتتش ان عنده حاجه جوزي بعد,,ها قرفني في عيشتي اها.نه كل يوم طلبت ال,ط,,لاق مرضيش اخته قالتلي ارفعي قض,,ية خ.لع وكده كده انتي عامله تمكين وعندك نفقه غصب عنه هيدفعها رفعت فعلا قض.ية خلع وكسبتها بعد 5 شهور وجو.زي مشي بعد ما لم هدومه وحاجته وقعدت كتير ببيع كل شهر د.هبي علشان اعرف اكفي مصاريف عيالي
حاولت ارجع لج,,وزي كتير مرضيش وش.تمني رحت لاخته المحاميه دي اشتكيت ليها شت.متني وغلطت فيا وقالتلي انتي فاكرة اني هبد.يكي عن اخويا ولسه هتشوفي ايام سوده ولو فكرتي تر.مي العيال كارت ضغط هناخدهم عادي وبردو بالقانون ملكيش تمكين ولا نفقه للعيال وكل شهر هنوريهملك وهنجيب واحده تربيهم نظير مبلغ كل شهر وانتي تبقي خسر.تي بيتك وعيالك علشان تعرفي ترفعي ق.ضية بالقايمه كويس علي اخويا
دلوقتي انا ربنا يعلم بيا اصلا بابا علي المعاش واخواتي علي قد حالهم ومش هعرف اشتغل علشان العيال ووديت العيال عند طليقي اسبوعين خدوهم عادي ومشتكوش منهم وانا اللي رحت ختهم وكل شهر عماله ابيع في دهبي وكلها شهرين ولا تلاته ومش هيكون عندي دهب خلاص وطليقي محدش من عيلته عايز يتدخل ولا في شيخ عارف يكلمهم حتي قالولي سيبي العيال ونصرف عليهم غير كده مفيش وانا خلاص يعلم ربنا بيا دلوقتي انا عارفه اني غلطانه مش بقول لا وكل اللي عايزاه العيال يتربو تاني معايا ومع ابوهم هل في اي حل ودي من وجهة نظركم وياريت اي حل وياريت اي
حل من وجهة نظركم #بيتي_مملكتي