جوزى نزل من نظرى

السلام عليكم
انا زوجة وعندى بنتين حصل موقف امبارح من زوجي المصون خلانى كر*ها.ه وعايزة اط*لق لانه نزل من نظرى جدا بس حابة اعرف ارائكم انا صح ولا لا قبل اى قرار لأنى مكسوفة اوى احكى لاهلى والله
خرجنا امبارح مع البنات فى احدى المولات وطبعا فى زحمة لكن مقبولة وانا ماشية معايا بنت وهو ورانا بالبنت التانية،

واحد خارج من ممر كدا ومش باصص قدامه ، ماشي باصص على الجانب التانى للمول خبط ايده فى منطقة حسا*سة عندى طبعا اول لما بص لى قولتله تمشي تبص قدامك ماينفعش كدا ،والراجل وقف ولسه بيقولى اسف وحيتكلم مع جوزى ، راح جوزى جاى حاطط ايده على كتفي بيمشينى يعنى وبيقولى خلاص خللاص انا اتفأجئت من رد فعله قولت يمكن مشافش ايده جات فين فقولتله خلاص ايه انت عارف ايده جات فين ووضحت الموقف قالى خلاص مكنش يقصد عديها عادى واسكتى علشان الناس

اناال نزل عليا طبعا كل ده واحنا خارجين من المول عمالة اقوله يانهار اسود اعدى ايه علشان الناس انت ايه بالظبط طيب قوله حاسب قوله مايصحش كدا اى حاجة ، قالى عادى ماانا ساعات بخبط فى ناس كتير وبعتذر وخلاص وشايف انى غل*ط وتفكيري غ*لط
هو ايه ال غ*لط !!!

انا تو*هت انا بابا رباني انى اللى يلمس منك شعره مايتسكتلهوش انى غالية وجسمي غالى انى ليا شرف وكرامة هو كل ده كان غ*لط ، طيب ده انا كان نفسي يبقي لبناتى اب يقويهم ويربيهم على كدا مش يربيهم على معلش عديها علشان الناس ، لدرجة انى قولتله طيب مقل حتى قدامى انك خايف عايا او غض*بان من ال حصل
محتاجة رأيكم..

اللهم إليك أشكو ضعف قوتي وقلة حيلتي وهواني على الناس، يا ارحم الراحمين انت رب المستضعفين وأنت ربي إلى من تكلني إلى بعيد يتجهمني، أم إلى عدو ملكته امري إن لم يكن بك غضب علي فلا ابالي.غير ان عافيتك هي اوسع لي.اعوذ بنور وجهك الذي أشرقت له الظلمات وصلح عليه أمر الدنيا والآخرة.أن يحل على غضبك، أو ينزل بي سخطك.لك العتبى حتى ترضى ولا حول ولا قوة الا بك.

اللهم اجعل لي من كل ما أهمني و كربني من أمر دنياي وامر اخرتي فرجا ومخرجا وارزقني من حيت لا احتسب واغفر لي ذنبي وثبت رجائي واقطعه عمن سواك حتى لا ارجو احدا غيرك اللهم احرسني بعينك التي لا تنام، واكفني بركنك الذي لا يرام، واحفظني بعزك الذي لا يضام, واكلانى فى الليل والنهار، وارحمني بقدرتك علي انت ثقتي ورجائي، يا ذا المعروف الذي لا ينقضي ابدا ويا ذا الجلال الذي لا بلى ابدًا. ويا ذا النور الذي لا يطفأ سرمدا، أسألك أن تكفيني شر كل ذي شر،

وأسألك فرجا قريبا وصبرا جميلا، وأسألك العافية من كل بلية اللهم بك أدفع ما أنا فيه، وأعوذ بك من شره يا أرحم الراحمين، ولا حول ولا قوة الا بالله العلي العظيم.